ხაშურის საკრებულოს შვიდმა წევრმა ქართული ოცნება დატოვა და ყოფილი პრემიერმინისტრის, გიორგი გახარიას პარტიას საქართველოსთვის შეუერთდა.

"არსებული სიტუაციიდან გამომდინარე, რადგან ქართული ოცნება, ოცნების ხელისუფლება დაშორდა იმ პრინციპებსა და მიზნებს, რომლისთვისაც ჩვენ 2012 წელს ვიბრძოლეთ, ვტოვებთ უმრავლესობის რიგებს და ვაგრძელებთ ბრძოლას, არათუ ვინმეს წინააღმდეგ, არამედ ჩვენი ქვეყნის უკეთესი მომავლისთვის", — განაცხადეს დღეს გამართულ ბრიფინგზე ხაშურის საკრებულოს დეპუტატებმა.

პარტიის ინფორმაციით, გახარიას გუნდს შემდეგი დეპუტატები შეუერთდნენ:

  • ფრაქცია ქართული ოცნების თავმჯდომარე, ვაჟა ხარშილაძე;
  • სოციალურ საკითხთა კომისიის თავმჯდომარე, ირინე გელაშვილი;
  • საფინანსო-საბიუჯეტო კომისიის თავმჯდომარე, მამუკა წიქარიშვილი;
  • ქონების მართვისა და ბუნებრივი რესურსების კომისიის თავმჯდომარე, ზვიად ტეფნაძე;
  • სამანდატო-საპროცედურო კომისიის თავმჯდომარე, ანა ხარებავა;
  • ფრაქცია ქართული ოცნება-მრეწველების თავმჯდომარე, ჯონდო კაპანაძე და ფრაქცია ოცნება-მრეწველების თავმჯდომარის მოადგილე, ემზარ მურჯიკნელი.