ნაციონალური მოძრაობის ერთ-ერთი ლიდერის, თინა ბოკუჩავას განცხადებით, ქართული ოცნების კანდიდატი ვერ მოიპოვებს თბილისელების მხარდაჭერას, განსაკუთრებით, თუ ეს კახა კალაძე იქნება.

"რამდენადაც მე ვიცი, ჯერ ჩამოყალიბებული ქართული ოცნება არ არის იმასთან დაკავშირებით, თუ ვინ იქნება მათი მერობის კანდიდატი თბილისში. ეს მეტყველებს მათ შორის იმაზე, რომ ქართულ ოცნებაში შიგნით არის სერიოზული დაპირისპირება და შიდა კრიზისი. ალბათ, უახლოეს მომავალში ჩამოყალიბდებიან, თუმცა დარწმუნებული ვარ, რომ ეს ადამიანი ვერ შეძლებს თბილისელების მხარდაჭერის მიღებას და მით უმეტეს, თუ ის იქნება კახა კალაძე, რომელმაც მთელი თავისი პოლიტიკური კარიერა მიუძღვნა საკუთარი ოჯახის წევრების და კლანის გამდიდრებას.

ბიძინა ივანიშვილმაც ძალიან კარგად იცის იმ კორუფციული სქემების შესახებ, რომლებშიც ჩართულია კახა კალაძე და სავარაუდოდ, ეს გახდა იმის მიზეზი, რომ ამ დრომდე ვერ გარისკეს მისი დასახელება", — ამბობს ბოკუჩავა.

როგორც 24 ივნისს გახდა ცნობილი, თვითმმართველობის არჩევნები საქართველოში 2 ოქტომბერს გაიმართება.