Freedom House-ის პროექტების დირექტორმა, ნეით შენკანმა გადაცემა არჩევანის ეთერში ჩართვისას განაცხადა, რომ რუსთავი 2-ის საქმეზე უზენაესი სასამართლოს დღევანდელი გადაწყვეტილება ძირს უთხრის დამოუკიდებელ მედიას.

რუსთავი 2-ის თარგმანის თანახმად, ნეით შენკანმა აღნიშნა ისიც, რომ გადაწყვეტილება ანადგურებს მედიის თავისუფლებას და რომ იგი უარყოფით გავლენას მოახდენს ქვეყნის საგარეო კურსზეც:

"ჩვენ რამდენიმე წელია ვაკვირდებით ამ საქმეს და ადრეც გამოვხატეთ შეშფოთება, თუ როგორ გახდა ეს საქმე ღია პოლიტიკური ზეწოლის საგანი ხელისუფლების მხრიდან. სასამართლო პროცესზე ამგვარი ზეწოლა, ყოველთვის ბადებს კითხვას სასამართლოს დამოუკიდებლობის შესახებ, როდესაც საქმეში ჩართულია მედიაკომპანია, ეჭვები სასამართლოს დამოუკიდებლობის შესახებ უფრო მყარდება. ამ გადაწყვეტილებით ჩანს, რომ მიყვებიან სასამართლოზე პოლიტიკური ზეწოლის მოდელს, რომლის შედეგიცაა კრიტიკული მედიის პოტენციური დახურვა. ვფიქრობ, რომ საქართველოს დასავლური ორიენტაცია და ევროპული მოდელი ეფუძნება მის პროგრესს სტრუქტურებში გასაწევრიანებლად და დემოკრატიული ინსტიტუტების პროგრესსაც. მედია კი უმთავრესი ინსტიტუტია".