ლიეტუვის პრეზიდენტი, გიტანას ნაუსედა საოკუპაციო ხაზთან ჩავიდა და საოკუპაციო ხაზთან მდებარე სოფლები მოინახულა. როგორც ნაუსედა ამბობს, ლიეტუვა არ აღიარებს აფხაზეთისა და ცხინვალის ოკუპაციას. პრესკონფერენცია მან სოფელ პატარა ხურვალეთთან გამართა.

ნაუსედას თქმით, ის ადგილობრივებსაც გაესაუბრა და აღნიშნა, რომ ზოგიერთი პოლიტიკოსის მიერ მიღებულმა გეოპოლიტიკურმა გადაწყვეტილებებმა ადამიანებს ცხოვრება დაუნგრია.

"როცა ადგილობრივებს გავესაუბრე ჩემი ბოლო კითხვა იყო, რაზე ოცნებობთ. იცით, რა იყო პასუხი? ისინი ოცნებობენ სახლში დაბრუნებაზე, ისინი ოცნებობენ სახლზე. ესაა სწორედ მიზეზი, რის გამოც ჩვენ უნდა ვიბრძოლოთ ამ ხალხის შესაძლებლობებისთვის, რათა ეს ოცნება ახდეს და ისინი დაბრუნდნენ სახლებში.

ჩვენ უნდა გამოვიყენოთ ყველა ძალისხმევა, რათა ეს საკითხი წამოვწიოთ სხვადასხვა საერთაშორისო კონფერენციასა და ღონისძიებაზე, რომ ნახეთ, პრობლემა მოგვარებული არაა და ეს ტერიტორიები კვლავ ოკუპირებულია და ჩენ ყველაფერი უნდა გავაკეთოთ, რათა სიტუაცია შევცვალოთ და ვიბრძოლოთ ამ ხალხისთვის", — აღნიშნა ლიეტუვის პრეზიდენტმა.