"რა თქმა უნდა" ვიყავი", — ასე უპასუხა გიორგი გახარიამ ტელეწამყვანის კითხვას, იყო თუ არა ის "რეალური პრემიერი". ყოფილი პრემიერმინისტრი სასტუმრო შერატონში თოქ-შოუს წამყვანებს ხვდება და მათ კითხვებს პასუხობს.

"როდესაც მე ვიყავი პრემიერმინისტრი ისევე, როცა მე ვიყავი შინაგან საქმეთა მინისტრი, ყველა ამ ინსტიტუტზე მე ვიყავი პასუხისმგებელი. რა თქმა უნდა, მე ვაღიარებ, რომ ჩვენი ხშირად გადაწყვეტილების მექანიზმი იყო გუნდური. მაგრა, სანამ მე ამ გუნდური გადაწყვეტილების პროცესში შემეძლო მეთამაშა პოზიტიური როლი, რა თქმა უნდა, ხშირ შემთხვევაშ კომპრომისის ხარჯზე. როგორც კი მე დავეჯახე კედელს, ყველანაირი განმარტებების და ლოგიკური ახსნების გარეშე და მივხვდი, რომ მე ამ პოზიტიური როლის შესაძლებლობა არ მაქვს, რა თქმა უნდა მე გადავდექი", — აღნიშნა გახარიამ.