ჰამასის განცხადებით, ისრაელის მიმართულებით 130 რაკეტა ისროლეს. ინფორმაციას ამის შესახებ aljazeera ავრცელებს. მედიის ცნობით, თელ-ავივში სირენების ხმა ისმოდა.

დღეს, 12 მაისს ისრაელმა ღაზის სექტორში მრავალსართულიანი შენობა გაანადგურა. უცხოური მედიის ცნობით, ეს მესამე მრავალსართულიანი შენობა იყო, რომელზეც ისრაელის თავდაცვის ძალებმა იერიში მიიტანეს.

10 მაისს იერუსალიმში დაპირისპირება გამწვავდა. რამდენიმე წლის შემდეგ პირველად, ჰამასმა იერუსალიმზე სარაკეტო თავდასხმა განახორციელა. საპასუხოდ, ისრაელმა ღაზის სექტორზე საჰაერო იერიში მიიტანა. 11 მაისს ღაზის სექტორმა დაბომბა თელ-ავივიც.

სიტუაცია დაიძაბა ქალაქ ლოდშიც. მედიების ცნობით, გვიან ღამით პალესტინელი ახალგაზრდები ქუჩებში გამოვინენ — დაწვეს სინაგოგები, მაღაზიები და ათეულობით მანქანა. მთავრობამ საგანგებო მდგომარეობა გამოაცხადა და სიტუაციის განსამუხტად ქალაქში სასაზღვრო პოლიცია გაიგზავნა.

ამავე თემაზე: