ხვალ, 15 აპრილს სომხეთის პრეზიდენტი, არმენ სარქისიანი საქართველოს ოფიციალური ვიზიტით ეწვევა.

"დაგეგმილია სომხეთის პრეზიდენტისა და საქართველოს პრეზიდენტის პირისპირ და გაფართოებულ ფორმატში შეხვედრა, რის შემდეგაც არმენ სარქისიანი და სალომე ზურაბიშვილი პრესისთვის ერთობლივ განცხადებებს გააკეთებენ", — ვკითხულობთ ზურაბიშვილის ადმინისტრაციის მიერ გავრცელებულ განცხადებაში.

ზურაბიშვილის გარდა საქრისიანი შეხვდება პარლამენტის თავმჯდომარეს, არჩილ თალაკვაძეს.

გარდა ამისა, სომხეთის პრეზიდენტი ცოლთან, ნუნე სარქისიანთან ერთად დაათვალიერებს სომხურ საკათედრო ტაძარს თბილისში.