საავტომობილო გზების დეპარტამენტის ინფორაციით, ქობულეთი-ბათუმის მონაკვეთზე გზის გაწმენდითი სამუშაოები ინტენსიურ რეჟიმში მიმდინარეობს.

გზების დეპარტამენტის ცნობით, ძლიერმა თოვამ მოცემულ მონაკვეთზე საავტომობილო მიმოსვლის შეფერხება გამოიწვია. ამ ეტაპზე გზის ერთი მიმართულება გაწმენდილია, ხოლო გზის მეორე მხარე იწმინდება და ტექნიკური მარილი იყრება.

გზების დეპარტამენტი შექმნილი ვითარებიდან გამომდინარე, მოსახლეობას მოუწოდებს ზამთრის პერიოდისათვის შესაბამისი საბურავებით იმოძრავოს, გამართული ავტოტრანსპორტით.