საქართველოს საგარეო საქმეთა მინისტრის, დავით ზალკალიანის განცხადებით, ხელუსუფლებასა და ოპოზიციას შორის მოლაპარაკებები უნდა დასრულდეს და შედგეს შეთანხმება, რადგან "არ გვაქვს ამჟამად იმის ფუფუნება, რომ ქვეყანა იყოს შესული ხელოვნურ პოლიტიკურ კრიზისში".

"[მოლაპარაკებები] უნდა მივიდეს ლოგიკურ დასასრულამდე და მოხდეს შეთანხმება, რადგანაც, როგორც ჩვენი ყველა სტრატეგიული პარტნიორი მოგვიწოდებს, ჩვენ არ გვაქვს ამჟამად იმის ფუფუნება, რომ ქვეყანა იყოს შესული ხელოვნურ პოლიტიკურ კრიზისში. აუცილებლად უნდა დავასრულოთ, რადგანაც ის გამოწვევები, რომლებიც ქვეყნის წინაშე არის, ვერ იქნება დაძლეული შიდა კონსოლიდაციის გარეშე და პრობლემების ქუჩიდან პარლამენტში გადატანის გარეშე", — თქვა ზალკალიანმა.