ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 28 უნივერსიტეტს 14 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

მონაწილეები ასევე მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

ინფორმაციული ტექნოლოგიებისა და მენეჯმენტის უნივერსიტეტი (University of Information Technology and Management in Rzeszow - UITM), რომელიც 1996 წელს დაარსდა მდებარეობს ქალაქ ჟეშუვიში, პოლონეთში. უნივერსიტეტი ერთ-ერთი წამყვანი კერძო უნივერსიტეტია რეგიონში, 6000-ზე მეტი სტუდენტით, რომელთაგან 1700 საერთაშორისო სტუდენტია მსოფლიოს სხვადასხვა ქვეყნიდან.

უნივერსიტეტი შედგება სამი სკოლისაგან: სოციალური მეცნიერებების, ინფორმატიკისა და მედიცინის ფაკულტეტები. სტუდენტებს შეუძლიათ ბაკალავრისა და მაგისტრატურის საფეხურზე სწავლა. 22 პროგრამა შეთავაზებულია პოლონურ ენაზე, ხოლო 7 ინგლისურენოვანია.

სწავლების საფასურის გადახდა შესაძლებელია ყოველთვიურად, და გადასახადი თვეში 200-450 ევროს ფარგლებშია, როგორც საბაკალავრო, ასევე სამაგისტრო საფეხურზე. სტუდენტებს შეუძლიათ მოიპოვონ სხვადასხვა რაოდენობის დაფინანსება, წარმატებული აკადემიური მოსწრების საფუძველზე.

საბაკალავრო და სამაგისტრო საფეხურები მოიცავს მრავალფეროვან მიმართულებებს, როგორებიცაა: საერთაშორისო ბიზნესის მართვა, პროგრამირება, ავიაციის მენეჯმენტი, საექთნო საქმე, გრაფიკული დიზაინი, საერთაშორისო ფინანსები და ბუღალტერია და სხვა.

სტუდენტებს აქვთ შესაძლებლობა სხვადასხვა ქვეყანაში ისწავლონ პარტნიორ უნივერსიტეტებში, გაცვლითი პროგრამის ფარგლებში.

თქვენ გაქვთ შესაძლებლობა პირადად შეხვდეთ ინფორმაციული ტექნოლოგიებისა და მენეჯმენტის უნივერსიტეტის წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. შემოგვიერთდით: https://leafonlinefair.com/