ბიბლუსის უკვე ყოფილი თანამშრმელი, გიორგი კაპანაძე On.ge-სთან აცხადებს, რომ ის და კიდევ ერთი თანამშრომელი სამსახურიდან გაათავისუფლეს. კაპანაძე მიიჩნევს, რომ გათავისუფლების მიზეზი ვიდეო მიმართვა გახდა, რომელშიც ბიბლუს გალერიში დასაქმებულები "უსამართლო" შრომით პირობებზე საუბრობენ.

On.ge-ს კითხვაზე, თუ რატომ მხოლოდ ორი და არა ექვსივე დასაქმებული, რომელიც ვიდეოში ფიგურირებს, კაპანაძე ასე პასუხობს:

"რეალურად სპიკერი მე ვიყავი და მე გამათავისუფლეს. დანარჩენები როტაციის გზით სხვა ფილიალებში გადაუშვეს."

გათავისუფლებული თანამშრომლების მხარდასაჭერად ბიბლუსის ფილიალში აუდიტორია 115-ის წევრები მივიდნენ.