ევროპარლამენტარი, მარკეტა გრეგოროვა ამბობს, რომ მარტის შეთანხმებიდან ზუსტად 1 წლის შემდეგ საქართველოში მდგომარეობა კიდევ უფრო გაუარესდა.

"მარტის შეთანხმებიდან 1 დაპირებებით სავსე წლის შემდეგ ჩვენ ისევ აქ ვართ და მდგომარეობა უარესია. გასულ წელს საქართველოს შეეძლო კრიზისისგან თავი დაეღწია და მიეღო საარჩევნო რეფორმა. ჩვენ მათ დავეხმარეთ, იქ ვიყავით და დარწმუნებული ვარ კიდევ შეგვიძლია დახმარება, რათა საქართველო პოზიციებზე დაბრუნდეს და გაიზიაროს რეფორმები საარჩევნო, სასამართლო სისტემებზე", — აცხადებს ევროპარლამენტარი.

მისივე თქმით, პოლიტპატიმრები უნდა გათავისუფლდნენ და ხალხს უნდა მიეცეს შესაძლებლობა გადაწყვიტონ, თუ ვინ წარადგენს მათ. ევროპარლამენტარის თქმით, ამ ყველაფრისთვის ევროკავშირის იქ ყოფნა არის აუცილებელი.

"რაც პრეზიდენტმა მიშელმა დაიწყო არის დიდებული ნაბიჯი და ეს პირველი ნაბიჯია. გავითვალისწინოთ ის, რაც მან და ჩვენ უკვე გავაკეთეთ და ვუთხრათ ჩვენს მეზობლებს — ძვირფასო კოლეგებო, დავეხმაროთ ჩვენს მეგობრებს", — თქვა ევროპარლამენტარმა.

ევროპარლამენტში საქართველოში შექმნილ პოლიტიკურ ვითარებასთან დაკავშირებით განხილვა მიმდინარეობს.