პოლიციამ პარლამენტის წინ აქტივისტებს კარვების გაშლის საშუალება არ მისცა. დაკავებულია რამდენიმე ადამიანი, თუმცა ზუსტი რაოდენობა უცნობია.

აქტივისტები ამბობენ, რომ დაკავებისას პოლიციამ ძალა გამოიყენა. მათივე განცხადებით, აპროტესტებენ პოლიტიკურ დევნას, გაყალბებულ არჩევნებს და რუსთაველის გამიზირზე კარვების გაშლა სწორედ ამიტომ გადაწყვიტეს.

პარლამენტთან კარვები არჩევნების შემდეგ არის გაშლილი, თუმცა არა წინ, არამედ უკანა მხარეს. ამჯერად აქტივისტები პროტესტს უშუალოდ რუსთაველის გამზირზე გეგმავდნენ.

On.ge შსს-სთან ცდილობს გარკვევას, რამდენი ადამიანი დააკავეს პარლამენტთან და რა მიზეზით.

დღეს, 18:00 საათზე პარლამენტის ბიუროს ახალი მთავრობის შემადგენლობა უნდა წარედგინოს. ჯერჯერობით უცნობია, რა იცვლება მინისტრთა კაბინეტში, თუმცა იმის გამო, რომ თავდაცვის მინისტრი, ირაკლი ღარიბაშვილი პრემიერმინისტრობის კანდიდატად დასახელდა, ამ უწყებას ნამდვილად ახალი ხელმძღვანელი ეყოლება.