ევროპული საქართველოს ერთ-ერთი ლიდერი, გიგა ბოკერია განმარტავს რაზე იყო აზრთა სხვადასხვაობა ერთიან ნაციონალურ მოძრაობაში (ენმ) მის დაშლამდე. მისი თქმით, მაშინ პარტიაში იყვნენ ადამიანები, ვისაც მიხეილ სააკაშვილი უპირობო ლიდერად მიაჩნდა.

"ჩვენ [ევროპული საქართველო და ნაციონალური მოძრაობა] ახლა კონკურენტებიც ვართ და პარტნიორებიც, უფრო დიდ საკითხში. ეგ კი არ არის თემა, უბრალოდ განვმარტავ — უპირობო ლიდერი, ტერმინი, სწორედ იმაში იყო, რომ იყვნენ ასეთი ადამიანები ნაციონალურ მოძრაობაში, რომლებიც იძახდნენ, რომ ამ ადამიანზე, სააკაშვილზე, არ შეიძლება თქმა, რომ ვიღაცა კონკურენციას გაუწევს, იმიტომ, რომ ის უპირობო არისო. რა შუაშია?! ეგ არავის თავშიც კი არ მოუვა, ვინც დარჩა აქ [ევროპულ საქართველოში]", — განაცხადა გიგა ბოკერიამ TV პირველის ეთერში.

მისი თქმით, ევროპულ საქართველოში ბევრი ლიდერია, რომლებსაც აქვთ თავისუფალი ნება.

"ჩვენი პარტია მარტო სამი ლიდერის პარტია არ იყო და არც ოთხის. იერარქიაში სხვადასხვა ადგილი ეკავა ყველას, მაგრამ, ბევრად მეტი ლიდერია და ჩვენი პარტია გამოირჩევა იმით, რომ ადამიანებს აქვთ თავისუფალი ნება და ისინი იმას დაუჭერენ მხარს, ვისაც თვლიან, რომ აქვთ ის ხედვა, რაც მათ აქვთ", — აცხადებს გიგა ბოკერია.

12 თებერვალს ევროპული საქართველოს ლიდერებმა, დავით ბაქრაძემ და გიგი უგულავამ განაცხადეს, რომ პარტიის მომდევნო ყრილობაზე აღარ დააყენებდნენ თავიანთ კანდიდატურას პარტიულ თანამდებობებზე ასარჩევად. ბოკერიამ განაცხადა, რომ პატივს სცემს კოლეგების გადაწყვეტილებას, თუმცა, მას განსხვავებული პოზიცია აქვს.

გაიგეთ მეტი: