პარლამენტის თავმჯდომარე, არჩილ თალაკვაძე ამბობს, რომ საკონსტიტუციო ცვლილებებისთვის საჭირო ხმების მოსაგროვებლად ოპოზიციასთან მუშაობას გააგრძელებენ. ამის შესახებ მან პარტია მოქალაქეებთან შეხვედრის შემდეგ განაცხადა.

გარდა ამისა, ის ელოდება ოპოზიური პოლიტიკოსებისგან, რომ საპარლამენტო პროცესს შეუერთდებიან.

"რაც შეეხება შეთანხმების იმ ნაწილს, რომელსაც სჭირდება საკონსტიტუციო უმრავლესობა, ჩვენ ერთად განვაგრძობთ, საპარლამენტო ოპოზიციასთან ერთად, ეს არის უკვე მეორე ოპოზიციური პარტია, რომელიც პარლამენტში იქნება წარმოდგენილი, განვაგრძნობთ ჩვენს ძალისხმევას იმისათვის, რათა შემოუერთდეს პროცესს კიდევ მინიმუმ იმდენი წარმომადგენელი ოპოზიციისგან, რაც იქნება საკმარისი ამ ცვლილების განხორციელებისთვის", — განაცხადა თალაკვაძემ.