რუსული სახელმწიფო მედიასაშუალებები, Ria Novosty და Sputnik ავრცელებენ მცდარ ინფორმაციას ევროპარლამენტში 2 თებერვალს საქართველოს უვიზო მიმოსვლასთან დაკავშირებით დაგეგმილი კენჭისყრის შესახებ. რუსული მედიის ეყრდნობა "წყაროს", რომლის მიხედვითაც, თითქოს კენჭისყრა გადაიდო, რაც სიმართლეს არ შეესაბამება. ოფიციალური წყაროების მიხედვით, კენჭისყრა არ გადადებულა და ის ჩვეულებრივ, დაგეგმილ დროს გაიმართება.

ბრიუსელში უკვე იმყოფება საქართველოს საპარლამენტო დელეგაცია. ისინი ევროპარლამენტის პლენარულ სხდომაზე, 2 თებერვალს, საქართველოსთან უვიზო მიმოსვლის შესახებ რეგულაციის განხილვასა და კენჭისყრის პროცედურას დაესწრებიან.

რუსული სახელმწიფო მედიასაშუალებების მიერ დეზინფორმაციის გავრცელებას ტვიტერსა და ფეისბუკზე უკვე გამოეხმაურა რადიო თავისუფლების ბრიუსელის ბიუროს ჟურნალისტი, რიკარდ იოზვიაკი, რომელმაც თქვა, რომ ეს სიცრუეა.