პარლამენტის დეპუტატის, ფრიდონ ინჯიას განცხადებით, ვინაიდან დროებითი საგამოძიებო კომისიის მიერ 1%-ზე მეტი ცდომილების აღმოჩენის შემთხვევაში ახალი საპარლამენტო არჩევნები ინიშნება და ირაკლი კობახიძე თანამდებობას ტოვებს, ეს დროზეა გასაკეთებელი, სანამ ქართულმა ოცნებამ გადაიფიქრა.

"თუ 1%-ზე მეტი იქნება ცდომილება, იქნება ახალი საპარლამენტო არჩევნები, რაც მისასალმებელია, რომ წერტილი დაესვას ყველაფერს ამას და უფრო მეტი — პოლიტიკიდან მიდის ბატონი კობახიძე. სანამ ქართულმა ოცნებამ ეს პირობა არ გადათქვა, ეს დროზეა გასაკეთებელი. ჩვენ, რა თქმა უნდა, მივიღებთ აქტიურ მონაწილეობას, მთელი ჩვენი ჯგუფი და ყველაფერი იქ უნდა ითქვას, ყველაფერი იქ უნდა დადგინდეს. რაც შეიძლება ჩქარა უნდა დაკომპლექტდეს დროებითი საგამოძიებო კომისია და წერტილი უნდა დაესვას ყველაფერს ამას", — აცხადებს ინჯია.

ქართული ოცნების აღმასრულებელი მდივნის, ირაკლი კობახიძის განცხადებით, არჩევნებთან დაკავშირებით დროებითი საგამოძიებო კომისია თებერვლის პირველ კვირაში შეიქმნება.