რეგიონული განვითარებისა და ინფრასტრუქტურის მინისტრი, მაია ცქიტიშვილის ამბობს, რომ მისთვის სამწუხაროა ბიძინა ივანიშვილის პოლიტიკიდან წასვლა. იმედის ეთერში ცქიტიშვილმა თქვა, რომ მისთვის კომფორტული იყო მმართველ გუნდს ჰყოლოდა ლიდერი, რომელსაც აქვს უზომო ავტორიტეტი.

"სამწუხაროა, რა თქმა უნდა, ჩემთვის პირადად, როგორც მისი გუნდის წევრისთვის, ადამიანისთვის, რომელიც მასთან ერთად წლების განმავლობაში მუშაობა, რომ მან ეს გადაწყვეტილება მიიღო. რა თქმა უნდა, ძალიან დიდი კომფორტიც არის, მინდა ვთქვა, როდესაც ასეთი ლიდერი გყავს გუნდში, რომელსაც აქვს ასეთი უზომო ავტორიტეტი და რომელიც ატარებს ასევე ამ უდიდეს პასუხისმგებლობას, რომელსაც ქვეყნის განვითრება და შენება ჰქვია. მაგრამ, მისი ხედვა ყოველთვის იყო ის, რომ მაშინ, როდესაც ის ჩათვლიდა რომ ამ სწორ გზაზე დააყენებდა ზოგადად, ქვეყნის განვითარებას და მათ შორის, გუნდის განვითარების გარკვეულ ეტაპზეც, ის დატოვებდა პოლიტიკას", — განაცხადა მაია ცქიტიშვილმა.

პოლიტიკაში მეორედ მოსვლის შემდეგ ქართული ოცნების თავმჯდომარე, ბიძინა ივანიშვილი ამბობს, რომ პოლიტიკიდან მეორედ მიდის. ამის შესახებ მან ფეისბუქში გამოქვეყნებულ საჯარო წერილში განაცხადა. მმართველი პარტიის ყრილობა შაბათს, 16 იანვარს გაიმართება, სადაც ქართული ოცნების ახალ თავმჯდომარეს აირჩევენ. პარტიამ ამ პოსტზე ირაკლი კობახიძის კანდიდატურა წარადგინა.

გაიგეთ მეტი: