"არც მაგას გამოვრიცხავთ" — ასე პასუხობს პარტია მოქალაქეების ლიდერი ალეკო ელისაშვილი კითხვას, შევა თუ არა მისი პარტია პარლამენტში ოპოზიციის გარეშე. რუსთავი 2-ის წამყვანის კითხვაზე, რატომ, ელისაშვილი პასუხობს:

"იმიტომ, რომ იქ შეთანხმებას უნდა მოვაწეროთ ხელი. იმ შეთანხმების მაგიდაზე... შეთახნმებას, რომელიც ელჩებთან არის და რომელიც დაპაუზდა არაერთი და რამდენიმე პოლიტიკური პარტიის ..." — განაცხადა მან.

ოპოზიციური პარტიები, რომლებმაც ცესკოს მონაცემებით ბარიერი გადალახეს ბოიკოტის რეჟიმში არიან და პარლამენტში შესვლაზე უარს ამბობენ, ამიტომ პარლამენტი ერთპარტიულია და მხოლოდ ქართული ოცნების დეპუტატებითაა დაკომპლექტებული. პარტიების უმეტესობამ მანდატებზე უარი თქვა და საპარლამენტო სიებიც ჩახსნა. დანარჩენები კი ფასილიტატორების ჩართულობით მმართველ გუნდთან მოლაპარაკებებს ელოდებიან და მხოლოდ ამის შემდეგ აპირებენ მანდატებზე უარის თქმას ან პარლამენტში შესვლას.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.