ქართული ოცნების წარმომადგენლის, ბექა ოდიშარიას თქმით, პარლამენტში ბევრი ადამიანი არის კულტურის ექსპერტი და მსახური, ხოლო დანარჩენი ნაწილი ქომაგია. მანვე აღნიშნა, რომ კულტურის კომიტეტს აქვს ბრეინშორტმინგის საშუალებაც.

"ამ დარბაზში კულტურის ძალიან ბევრი მსახური და ექსპერტი ზის, დანარჩენი ნაწილი არის მხურვალე ქომაგი, დამეთანხმებით. არცერთ ჩვენთაგანს არ სჭირდება კულტურის შესწავლა, ჩვენ გვჭირდება დარგში დაგროვილი შეცდომების გამოსწორება რასაც ინვენტარიზაცია ჰქვია. კომიტეტს აქვს ბრეინშორტმინგის საშუალება მე მივესალმები კომიტეტის ახალ ძალიან კარგ წევრებს", — ამბობს ოდიშარია.

ოფიციალურად პარლამენტმა მუშაობა 11 დეკემბერს დაიწყო. ამის პარალელურად, ბარიერგადალახულმა ოპოზიციურმა პარტიებმა საკუთარ მანდატებზე უარი თქვეს. ქართული ოცნება ამბობს, რომ ყველა ასეთ პარტიას მანდატები გაუუქმდება, ხოლო დაფინანსება შეუწყდება. მმართველი ძალის განცხადებითვე, ისინი დააინიცირებენ კანონპროეტქს, რომლის თანახმადაც საარჩევნო რეგისტრაცია გაუუქმდება პარტიას, რომლის ლიდერიც კონსტიტუციურ საარჩევნო ცენზს არ აკმაყოფილებს, კერძოდ, არის უცხო ქვეყნის მოქალაქე ან მისჯილი აქვს თავისუფლების აღკვეთა.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში – რა ხდება პარლამენტში.