ჯანდაცვის ყოფილმა მინისტრმა და მე-10 მოწვევის პარლამენტის დეპუტატმა, დავით სერგეენკომ განაცხადა, რომ მთავრობისა და ბიუჯეტის დასამტკიცებლად ვერ დაელოდებიან ოპოზიციასთან მოლაპარაკებების დასრულებას.

"შემაჯამებელი პლენარული სხდომა ოპოზიციის მონაწილეობის გარეშე გაიმართება. რა თქმა უნდა, არ არის კარგი, თუმცა, ჩვენ ნამდვილად არ გვაქვს იმის ფუფუნება, რომ სანამ მოლაპარაკება გაგრძელდება, იქამდე გავაჩეროთ ეს პროცესი და არც მთავრობა დავამტკიცოთ და არც ბიუჯეტი დავამტკიცოთ. უახლოეს დღეებში ეს გასაკეთებელია. მეორეს მხრივ ჩვენ გვქონდა საკომიტეტო მოსმენები და ფრაქციის მოსმენა, სადაც ყველა იმ კითხვაზე, რაზეც ჩვენ ჩავთვალეთ საჭიროდ პასუხის მოსმენა, ეს პასუხები მოვისმინეთ", — განაცხადა დავით სერგეენკომ.

მომავალ მინისტრთა კაბინეტის წარმომადგენლებს რიგგარეშე სესიაზე მოუსმენენ. პარლამენტის რიგგარეშე სესიის პლენარული სხდომა დღეს გაიმართება. დღესვე, 24 დეკემბრს უნდა დამტკიცდეს მინისტრთა კაბინეტი.