ქართული ოცნების წევრის, გია ვოლსკის განცხადებით, თუ პარლამენტში იქნება როიალი უკეთესი იქნება, რადგან იქ მისი შემსრულებელიც არის. ასე გამოეხმაურა იგი პარტიის დეპუტატს, ელისო ბოლქვაძის განცხადებას, რომელმაც თქვა, რომ პარლამენტში დაკვრა "კარგი იდეაა".

"პარლამენტში თუ იქნება როიალი, თუ იქნება საშუალება რომ კულტურის მუშაკები, ბავშები, ახალგაზრდები ხშირად მოდიოდნენ, რა საკვირველია, უკეთესი იქნება. როიალზე შემსრულებელიც გვყავს და საკმაოდ ნიჭიერი ხალხი არის პარლამენტში, მათ შორის, უმცირესობაში. თუ სხვა რამეშ გამოიჩენენ ნიჭს და არა დესტრუქციაში, უკეთესი იქნება", — განაცხადა ვოლსკიმ.

პიანისტმა და აწ უკვე ქართული ოცნების დეპუტატმა, ელისო ბოლქვაძემ განაცხადა, რომ კარგი იდეაა, პარლამენტში იყოს ფორტეპიანო და მის კედლებში მოცარტი და ბეთჰოვენი ისმოდეს.