შინაგან საქმეთა მინისტრის მოვალეობის შემსრულებლის, ვახტანგ გომელაურის განცხადებით, მისი მხრიდან "უხერხულია" იმაზე მსჯელობა, იქნება თუ არა იგი მინისტრთა კაბინეტში. ამის შესახებ მან სამინისტროს 2020 წლის ანგარიშის წარდგენის შემდეგ ისაუბრა.

"რამდენიმე დღე დარჩა და დაველოდოთ. წინასწარ, მოდი, არ ვიმსჯელოთ ამაზე. უხერხული იქნება ჩემი მხრიდან — ვიქნები თუ არ ვიქნები [მინისტრთა კაბინეტში]. დაველოდოთ", — თქვა მან.

საქართველოს მე-10 მოწვევის პარლამენტმა, სადაც მხოლოდ ქართული ოცნების დეპუტატები არიან, ოფიციალურად 11 დეკემბერს დაიწყო მუშოაბა. მმართველმა პარტიამ, მოქმედი პრემიერმინისტრი, კვლავ გიორგი გახარია დაასახელა კანდიდატად. სწორედ ის წარუდგენს პარლამენტს სიას, თუ ვინ დააკომპლექტებს ახალ მინისტრთა კაბინეტს.