პარტია მოქალაქეების ერთ-ერთი ლიდერის ლევან იოსელიანის თქმით, მოლაპარაკებებზე შეთანხმებას ყველა ცდილობს გარდა ევროპული საქართველოსი, მისივე თქმით, გიგა ბოკერიას მძევლად ჰყვს აყვანილი მთლიანად ნაციონალური მოძრაობა. ამის შესახებ მან, TV პირველის ეთერში განაცხადა.

"მთლიანად ამ პროცესის ჩაშლას ცდოლობს ევროპული საქართველო, რეალურად ერთი პოლიტიკური პარტია ცდილობ, რომ ეს პროცესი შეიყვანოს ჩიხში. ყველასთან სათითაოდ მაქვს ნალაპარაკები, პოლიტიკურ ლიდერებთანაც. ყველას უნდა რომ შედეგეს მოლაპარაკება, ყველას უნდა რომ გამოვიტანოთ აქედან შედეგი მაგრამ ევროპული საქართველო ყველაფერს აკეთებს, რომ ეს არ მოხდეს. გამოვიდნენ და ღიად ილაპარაკონ ნუ არიან მძევლად აყვანილები ამ ერთი პარტიის მიერ, მათ შორის არის ნაციონალური მოძრაობაც, ერთმა კაცმა გიგა ბოკერიამ მთლიანაც მძევლად აიყვანა ნაციონალური მოძრაობა. ამას ვამბობ სრული პასუხიმგებლობით", — განაცხადა იოსელიანმა.

იოსელიანის განცხადებით, მძევლად იმიტომ არიან აყვანილები ნაციონალური მოძრაობის წევრები, რომ ვერ ლაპრაკობენ იმას რასაც თავად ლაპარაკობს. მისი თქმით, ნაციონალური მოძრაობა ვერ ლაპარაკობს იმაზე რომ კარგი იქნება შეთანხმება.

გიგა ბოკერიამ განაცხადა, რომ შთაბეჭდილება რჩება, ელისაშვილი საბაბს ეძებს და მისი პარლამენტში შესვლა ერთპარტიულობას არ გააქარწყლებს, პირიქით, ხაზს გაუსვამს.

პარტია მოქალაქეების ლიდერის, ალეკო ელისაშვილის განცხადებით, გიგა ბოკერიას პარტია [ევროპული საქართველო] ამერიკისა და ევროკავშირის ელჩების ჩართულობით ქართულ ოცნებასთან შეხვედრებზე დადის მარტო იმიტომ, რომ გარეთ გამოიტანონ დეტალები და მოლაპარაკებები ჩაშალონ.

"საბოტაჟით არიან დაკავებულნი. რატომ იცით? იმიტომ რომ, ვერ მოხვდნენ პარლამენტში. ბოკერია და უგულავა ვერ მოხვდნენ პარლამენტში. თავი მოეჭრა ერთ ზუგდიდში, მეორეს ფოთში. ფოთში წავიდა ნიკო ნიკოლაძესავით ბოკერია და 6% აიღო ფოთში. უნდათ ყველაფერი ჩაშალონ და მე არ მინდა, ჩავშალო", — ამბობს ელისაშვილი.

ის, ასევე, აცხადებს, რომ პარლამენტში იმ შემთხვევაში შევა, თუ ელჩებთან მოლაპარაკებების პროცესში საარჩევნო კანონმდებლობისა და საარჩევნო ადმინისტრაციების რეფორმებზე შეთანხმდებიან.

მისივე თქმით, მხოლოდ ეს რომ მოიპოვოს და პოლიტიკაში სხვა არაფერი გამოუვიდეს, მთელი ცხოვრება კმაყოფილი იქნება. Facebook ლაივში მან ასევე აღნიშნა, რომ ფულზე არასდროს გაიყიდება.

ელისაშვილმა, აგრეთვე, აღნიშნა, რომ 31 ოქტომბრის არჩევნები გაყალბდა და ქართულმა ოცნებამ ამისთვის პასუხი უნდა აგოს. მისივე თქმით, "ერთჯერადი ხეირი" არ სურს და მთავარია ერთხელ და სამუდამოდ არჩევნები იყოს ისეთ, რომ მოქალაქეები ენდობიან.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და არჩევნების მეორე ტურსაც ბოიკოტი გამოუცხადეს, რომელიც 21 ნოემბერს ჩატარდა. მეორე ტურში არცერთი ოპოზიციური პარტია არ მონაწილეობდა. 17 მაჟორიტარულ ოლქის გარდა მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.

პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ.

მეოთხე რაუნდი 8 დეკემბერს შედგა. ოპოზიციისა და მმართველი პარტიის წინადადებები მხარეებმა პუნქტებად განიხილეს. როგორც შეხვედრის დასრულების შემდეგ განაცხადეს, იყო პუნქტები, რომლებზეც თანხვედრა მოხდა, თუმცა, დარჩა რამდენიმე პრინციპული პუნქტი, რაზეც ჯერ ვერ შეთანხმდნენ. ამის ფონზე, ქართული ოცნების ლიდერები აცხადებენ, რომ მათი განწყობა პოზიტიურია და სჯერათ — მომავალ წელს პარლამენტში ყველა დეპუტატი იქნება. ამ ეტაპზე მოლაპარაკებების მეხუთე რაუნდის მოლოდინია.