სტრატეგია აღმაშენებლის ერთ-ერთმა ლიდერმა, თაკო ჩარკვიანმა განაცხადა, რომ გიორგი ვაშაძე პარლამენტში შესვლას არცერთ ეტაპზე არ აპირებდა.

"ჩვენ ნამდვილად ყველაფერზე ვსაუბრობთ ხოლმე. გიორგი ვაშაძე არცერთ ეტაპზე შესვლას არ აპირებდა. მე გეტყვით, რომ სტრატეგია აღმაშენებელი არ შევა", — განაცხადა ჩარკვიანმა მთავარი არხის ეთერში.

8 დეკემბერს ოპოზიციასა და მმართველ პარტიას შორის მოლაპარაკებების მეოთხე რაუნდი გაიმართა. ვრცელდებოდა ინფორმაცია რამდენიმე პარტიის პარლამენტში შესვლის შესახებ, მათ შორის, სტრატეგია აღმაშენებელიც იყო. თუმცა პარტიებმა ეს არ დაადასტურეს.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.

პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ.

ამავე თემაზე: