საქართველოს მასშტაბით, 11 ათასზე მეტი ოჯახის გაზიფიცირება განხორციელდება, - ამის შესახებ, დღეს, 24 იანვრის მთავრობის სხდომაზე გახდა ცნობილი. ენერგეტიკის სამინისტროს ასიგნებიდან, ამ მიზნით, 20 მილიონი ლარის გამოყოფის შესახებ გადაწყვეტილებას, მთავრობის დღევანდელ სხდომაზე მიიღებენ.

პრემიერის განცხადებით, მთავრობა დღეს მიიღებს გადაწყვეტილებას, რომ დამატებით 34 სოფლის გაზიფიცირების სამუშაოები დაფინანსდეს.

პრემიერმინისტრის გიორგი კვირიკაშვილის თქმით, ბოლო წლების განმავლობაში, გაზიფიცირების სამუშაოებისთვის უკვე 241 მილიონი ლარი გამოიყო და 160 000-ზე მეტი აბონენტი გაზიფიცირდა.