გასტრონომიის ასოციაციის ხელმძღვანელის, ლევან ქოქიაშვილის თქმით, კერძო სექტორების მთავრობასთან შეხვედრებს აზრი არ აქვს, რადგან ისინი არ ითვალისწინებენ შეხვედრაზე მათ მიერ გაჟღერებულ პრობლემებს. ამის შესახებ ის ტელეკომპანია ფორმულაზე, გადაცემა კომენტარში საუბრობს.

"ყველა შეხვედრა, რაც იყო თითქმის ვესწრებოდით. ბოლო შეხვედრაზე მე აღარ ვყოფილვარ, იმიტომ რომ ზოგადად აზრი არა აქვს ამ შეხვედრებზე მისვლას, ველაპარაკებით, ანუ გისმენენ ძალიან კარგად, ყურადღებით, მაგრამ ერთი არაფერი არ კეთდება, ერთი რაღაც ხომ შეიძლება რომ გაითვალისწინო.

ის ხომ არ არი, საბავშვო ბაღი? მოვდივართ ადამიანები ჩვენი სფეროდან გელაპარაკებით და გეუბნებით, რომ აი ეს პრობლემებია. მე პირადად საერთოდ ვთვლი რომ აზრი არა აქვს [მისვლას] უბრალოდ, როგორც მივალთ, 1 საათში დაიდება 5 ფოტო, რომ შევხვდით სახელმწიფოს და გამოამზეურებენ თავის ფეისბუქის გვერდებზე, რომ აი კერძო სექტორს შეხვდნენ", — ამბობს ქოქიაშვილი.

საკოორდინაციო საბჭომ 28 ნოემბრიდან 31 იანვრის პერიოდში არაერთი შეზღუდვა დააწესა. მათ შორის, გადაადგილებაზე, მუნიციპალურ და საქალაქთაშორისო ტრანსპორტზე, რესტორნებზე, საბაჭრო ცენტრებსა და ბაზრობებზე.

გაიგეთ მეტი: