NDI-ს მიერ ჩატარებული კვლევის მიხედვით, გამოკითხული მოქალაქეები ყველზე მნიშვნელოვან საკითხებად სამუშაო ადგილებს (58%), ფასების ზრდას/ინფლაციას (38%), სიღარიბეს (30%), ტერიტორიული მთლიანობასა (27%) და პენსიებს (24%) ასახელებენ. დასახელებული პრობლემები თითოეულ შემთხვევაში მოქალაქეთა 24-მა და მეტმა პროცენტმა დაასახელა. თითოეულ მოქალაქეს პრობლემურ საკითხად მაქსიმუმ სამი პრობლების დასახელება შეეძლო.

გამოკითხული მოქალაქეების 1 პროცენტი პრობლემებად კორუფციას, მესიის დამოუკიდებლობას, მცირესობების უფლებებს, ციხეებს / პატიმრებს და სხვა საკითხებს ასახელებს.

დღეს, 16 იანვარს, ეროვნულ-დემოკრატიული ინსტიტუტი (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების პირველ ნაწილის წარადგენა დაიწყო. პრეზენტაციაზე წარმოდგენილი არის ქვეყნის განვითარების კურსთან, საგარეო პოლიტიკასთან, ადგილობრივ თვითმმართველობასთან და ქალების პოლიტიკურ ჩართულობასთან დაკავშირებული მიგნებები.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 141 პირისპირ ინტერვიუს წარმომადგელობითი შერჩევის საფუძველზე. კვლევის ცდომილება 1,8 პროცენტია.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.