პროკურატურის განცხადებით, გურჯაანის რაიონის სოფელ ვაზისუბანში პოლიციის თანამშრომელი საკუთარი მანქანით მოპედს დაეჯახა, რის შედეგადაც მოზარდი გარდაიცვალა. შემთხვევა 3 ნოემბერს მოხდა.

როგორც უწყებაში განმარტავს, კახეთის პოლიციის დეპარტამენტის თელავის რაიონული სამმართველოს უბნის ინსპექტორ-გამომძიებელი უკვე დაკავებულია.

გამოძიების ინფორმაციით, რომ 3 ნოემბერს ბრალდებული ვაზისუბანში, ცენტრალურ საავტომობილო გზაზე საკუთარი ავტომანქანით მოძრავი შეეჯახა მოპედს, რომელსაც 14 წლის მოზარდი მართავდა. ავტოსაგზაო შემთხვევის შედეგად მოზარდი გარდაიცვალა, ხოლო მოპების მგზავრი, 9 წლის მოზარდი მიღებული დაზიანებებით საავადმყოფოში იქნა გადაყვანილი.

სისხლის სამართლის საქმეზე გამოძიება 276-ე მუხლის მე-6 ნაწილით (ავტომობილის მოძრაობის უსაფრთხოების წესის დარღვევა იმ პირის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია) მიმდინარეობს.