უმრავლესობის ყოფილი წევრი, თამარ ჩუგოშვილი დაძაბულობის მატებას რვა საათის შემდეგ, ხმის დათვლის პროცესის დროს ვარაუდობს. მისივე თქმით, გარეთ უფრო პრობლემური ვითარებაა, ვიდრე საარჩევნო უბანზე.

"ხმის დათვლის პროცესი ძალიან მძიმე იქნება. დღეს რიგ უბნებზე ფიზიკურ შეხლა-შემოხლას ვხედავთ. კითხვა უნდა დავსვათ, სად ხდება და პასუხებსაც მივიღებთ. ხელს პირდაპირ არავის ვადებთ, მაგრამ სადაც უჭირს პარტიას იქ ხდება ასეთი რაღაცები", — განაცხადა ჩუგოშვილმა ფორმულასთან საუბარში.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: