გორში, მე-7 საარჩევნო უბანთან ერთიანი ნაციონალური მოძრაობის წევრები ქართული ოცნების მხარდამჭერებს ადანაშაულებდნენ, რომ ამომრჩეველზე გავლენის მოხდენას ცდილობენ. ამის შესახებ ინფორმაცია და ვიდეომასალა ადგილობრივმა მედიამ მოზაიკა გაავრცელა.

ქართული ოცნების მხარდამჭერები გავრცელებულ ვიდეოში აცხადებენ, რომ ისინი კანონის საწინააღმდეგო ქმედებას არ სჩადიან.

ერთიანი ნაციონალური მოძრაობის წარმომადგენლის, ანა ბალიაშვილის თქმით კი ამომრჩევლის მოსყიდვას აქვს ადგილი:

"კოორდინატორები და აგიტატორები დგანან საარჩევნო უბნებთან ძალიან ახლოს, არ იცავენ დისტანციას, რომელიც დადგენილია საარჩევნო კანონმდებლობით. ისინი ასევე შემჩნეულები არიან ამომრჩევლის მოსყიდვის ფაქტებში და ამის გამო აქეთ გადმოდიან შეურაცხყოფაზე", — განაცხადა ანა ბალიაშვილმა.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: