დიდუბე-ჩუღურეთში მაჟორიტარობის დამოუკიდებელი კანდიდატი ანა დოლიძე აცხადებს, რომ ხელისუფლება ამომრჩეველზე გავლენის მოსახდენად სხვადასხვა გზას მიმართავს, მათ შორის დოლიძე ახსენებს "ფიქტიურ ორგანიზაციებს".

"ფიქტიური ორგანიზაციების მეშვეობით ხდება ამომრჩევლების ნების კონტროლი. ჩვენმა წარმომადგენელმა მოისმინა, როგორ იყო ნახსენები კაწრო, ნომერ მეხუთე საჯარო სკოლაში, ხუდადოვზე, კუკიაზე. იქ იყო კონცენტრირება ქალბატონებისა, რომლებიც არასამთავროების სახელით მოქმედებენ, ზონდერ-არასამავროები დავარქვათ, და ე.წ. ძველი ბიჭები აჩერებენ ამომრჩევლებს ჭიშკართან, ეკითხებოდნენ სახელ და გვარს და ორის ნახევრისთვის იქ გამოჩნდა თავად ბატონი კაწრო. მოვიდა, იქ მყოფ პირებს მიესალმა და წავიდა", — ამბობს ანა დოლიძე.

დოლიძის განცხადებით, მისი საარჩევნო შტაბის წევრებმა პოლიციაც გამოიძახეს, რადგან გაურკვეველი პირები საარჩევნო შტაბზე გავლენის დამყარებას ცდილობდნენ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: