რესპუბლიკური პარტიის წევრის, თამარ კორძაიას განცხადებით, ერთ-ერთ საარჩევნო უბანზე ამომრჩეველთა სიაში ცოცხალი ადამიანი გარდაცვლილად იყო მითითებული.

"გვქონდა ასეთი კომიკური შემთხვევა, როდესაც სიაში ადამიანი გარდაცვლილად იყო მითითებული, მაგრამ ის აღმოჩნდა ცოცხალი", — განაცხადა კორძაიამ.

მისი თქმით, დედოფლისწყაროში 3 შემთხვევა იყო, როდესაც გარდაცვლილი ადამიანები იყვნენ სიაში შეყვანილი.

"ჩვენს წარმომადგენლებს დაწერილი აქვთ 145 საჩივარი. აქედან უმეტესობა ეხება ძირითადად კომისიის წევრებს შორის ფურცლების არასწორად გადანაწილებას და წილისყრის პროცედურების იგნორირებას და მერე უკვე ფუნქციების შესვლას ისე, რომ ეს არ ფიქსირდება შესაბამისად ჩანაწერთა წიგნში", — თქვა კორძაიამ.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: