ქართული ოცნების აღმასრულებელი მდივანი, ირაკლი კობახიძე თავის ყოფილ თანაგუნდელზე, კახა ოქრიაშვილზე ამბობს, რომ ბოლნისში მას მინი-ბანდა ჰყავს შექმნილი. მისივე მტკიცებით, ეს "მინი-ბანდა" ნაციონალური მოძრაობის პარტაქტივით არის დაკომპლექტებული და პროვოკაციებს აწყობს.

"ნაციონალურ მოძრაობაში რომ შევიდა, შექმნა მინი-ბანდა, მანამდე არ ჰყავდა, რა თქმა უნდა", — განაცხადა ირაკლი კობახიძემ გადაცემა 360 გრადუსში.

დღეს, 28 ოქტომბერს კობახიძემ ყოფილ თანადგუნდელზე ბრიფინგის დროსაც ისაუბრა. მისი თქმით, ბოლნისის ოლქში უწევთ დაპირისპირება ძალიან დიდ ფულთან, რომელსაც მათი ოპონენტი ხარჯავს. კობახიძის თქმით, ოქრიაშვილის ხარჯები დეკლარირებული არ არის.

ირაკლი ოქრიაშვილი მეცხრე მოწვევის პარლამენტში დმანისის მაჟორიტარად შევიდა. მმართველი გუნდის დატოვების შემდეგ მან და ცეზარ ჩოჩელმა ახალი პარტია ჩამოაყალიბეს, რომელიც ახლა ძალა ერთობაშია გაერთიანებული.