ნაციონალური მოძრაობის წევრი, სალომე სამადაშვილის ქართული ოცნების ბრალდებებს პასუხობს და ამბობს, რომ მმართველი პარტია სახეს კარგავს.

"ქართული ოცნება რეალურად ამ არჩევნებს აგებს და წაგების მოლოდინში ყოველდღიურად კარგავს სახეს, რომელსაც არავინ აღარ დარჩა მისი სახელით სასაუბროდ, გარდა ამ ოდიოზური ფიგურებისა, როგორიცაა [ირაკლი] კობახიძე და [თეა] წულუკიანი", — განაცხადა სამადაშვილმა.

მან მოუწოდა ამომრჩეველს, რომ რეკომენდაციების გათვალისწინებით მივიდნენ აჩევნებზე და თავიანთი არჩევანი დააფიქსირონ.

ქართული ოცნების მტკიცებით, ნაციონალურ მოძრაობას ოფიციალური საარჩევნო შტაბის გარდა გახსნილი აქვს ე.წ. რევოლუციური შტაბი, რომელსაც ყოფილი პრემიერმინისტრი, ვანო მერაბიშილი ხელმძღვანელობს.

როგორც 28 ოქტომბრის ბრიფინგზე პარტიის აღმასრულებელმა მდივანმა, ირაკლი კობახიძემ განაცხადა, შტაბის ამოცანაა მოქალაქეების პროვოცირება, ძალადობის წახალისება და პოლიტიკური პროცესების რევოლუციური სცენარით განვითარება. გარდა ამისა, კობახიძე ამბობს, რომ განსაკუთრებული აქცენტი გაკეთდება მარნეულზე, ბოლნისზე, დმანისზე, ბათუმზე, ზუგდიდსა და გლდანზე.