შინაგან საქმეთა მინისტრი, ვახტანგ გომელაური ამბობს, რომ ქობულეთში ბანკის ძარცვა არ მომხდარა, შემთხვევა გარეთ მოხდა.

"ბანკი არ იყო, გარეთ მოხდა ძარცვა, გამოსტაცა ხელიდან და გაიქცა და ადამიანი. ეს არ არის ბანკში შევარდნა, აყვანა მძევლის და ა.შ, სულ სხვადასხვა რამეა", — განაცხადა გომელაურმა.

ქობულეთში დღეს ინკასატორი დააყაჩაღეს. ვრცელდება ინფორმაცია, რომ ყაჩაღობა საქართველოს ბანკის მიმდებარედ მოხდა. როგორც On.ge-ს ბანკში უთხრეს, დაყაჩაღებული ინკასატორი მათი ბანკის თანამშრომელი არ არის.

შინაგან საქმეთა სამინისტროში On.ge-ს ყაჩაღობის ფაქტი დაუდასტურეს. უწყებაში ამბობენ, რომ გამოძიება სისხლის სამართლის 178-ე მუხლით დაიწყო, რაც ძარცვას გულისხმობს.