საავტომობილო გზების დეპარტამენტის ინფორმაციით, სოფელ შორაპანის მიმდებარე საავტომობილო გზაზე მოძრაობა შეზღუდულია. უწყების განმარტებით, მიზეზი 6 იანვარს ღამით გზის სავალ ნაწილზე დიდი მოცულობის მიწა-კლდოვანი მასის ჩამოსვლაა.

„გზის გაწმენდითი სამუშაოები ინეტნსიურ რეჟიმში ხორციელდება, დაემატა რამდენიმე ერთეული მძიმე ტექნიკა დიდი ზომის ლოდების დასაშლელად. გაწმენდითი სამუშაოების დასრულებისთანავე, საავტომობილო მოძრაობა აღდგება,“ - აღნიშნულია უწყების მიერ გავრცელებულ განცხადებაში.

შეზღუდვის გამო, ავტოტრანსპორტის მოძრაობის ნაკადი გადართულია გომი-საჩხერე-ჭიათურა-ზესტაფონის გზაზე, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აღნიშნული მიმართულებით აკრძალულია.