ევროპული საქართველოს ბათუმის მაჟორიტარობის კანდიდატი, არმაზ ახვლედიანი ბათუმში, აღმაშენებლის დასახლებაში ადგილობრივებს შეხვდა, მათი პრობლემები მოისმინა და გარდამტეხი ცვლილებების გეგმა გააცნო.

"ბათუმელები არიან იმედიანად, თავდაჯერებულები არიან იმ საკითხში, რომ 31 ოქტომბერს ბათუმშიც, აჭარშიც და მთელ საქართველოშიც ვასრულებთ "ივანიშვილიზმს", როგორც ანომალიურ მოვლენას და ვიწყებთ შეუქცევად რეფორმებს, რომლის მიზანია ნორმალური და განვითარებული ბათუმი და საქართველო", — განაცხადა ახვლედიანმა.

ახვლედიანმა აღნიშნა, რომ 31 ოქტომბერს დაიწყება ეპოქა, რომელიც როგორ ბათუმს, ისე მთლიანად საქართველოს მოუტანს გარდამტეხ ცვლილებებს.