ევროპული საქართველოს ზუგდიდის მაჟორიტარობის კანდიდატი, გიგი უგულავა, ზუგდიდში, ბაქოსა და ერევნის ქუჩების მაცხოვრებლებს შეხვდა და მათი პრობლემები მოისმინა.

უგულავას თქმით, სიმბოლურია, რომ შევხედრები იმართება ამ ქუჩებზე, იმ კონტექსტის გათვალისწინებით, თუ რა ხდება რეგიონში.

"ჩვენ ვიყავით ეხლა ზუგდიდის ბაქოსა და ერევნის ქუჩებზე, რომლებიც ერთმანეთის მიმდებარედ არის. იმ კონტექსტის გათვალისწინებით, რაც ეხლა კავკასიაში ხდება, ეს სიმბოლურია. აქაც, ისვე როგორ მთელ რაიონსა და ქვეყანაში ცვლილებების მოლოდინია. უმუშევრობა არის პრობლემა, რომელიც ტანჯავს ყველა ადამიანს. ტოტალური უმუშევრობაა ივანიშვილის პირობებში და აღაც იმედია, რომ შეიცვლება რამე", — ამბობს უგულავა.

უგულავამ აღნიშნა, მძიმე სოციალური პირობების ფონზე ბიძინა ივანიშვილი კლავს რეგიონის ერთადერთ იმედს, ანაკლიის პორტს.

"ამ არჩევნებზე უნდა მოხდეს ეს გარდამტეხი ცვლილება და გეგმა, რომელიც ჩვენ გვაქვს. გადასახადების დაწევა არის უალტერნატივო, რათა სწრაფად დაიწყოს ეკონომიკამ მუშაობა და შეიქმნას სამუშაო ადგილები. სხვანაირად, უბრალოდ არ გამოვა.

ჩვენ, ასევე, გვჭრდება დიდი პროექტები და ზუგდიდს აქვს კონკრეტული პროექტი. ეს არის ანაკლიის პორტი, რომელიც არამარტო ზუგდიდის, არამედ მთელი სამეგრელოს დასაქმების და ახალი პერსპექტივის წყაროა და სანამ ივანიშვილი იქნება, ეს არ გაკეთდება.

ამიტომ, მთავარი არის ეხლა ერთი, რომ შეიცვალოს პოლიტიკური წყობა. ჩვენ, ასევე, ვსაუბრობთ და ადამიანებს ძალიან კარგად ესმით თუ რატომ ამთავრებს ყველა მთავრობა ასე ცუდად. იმიტომ, რომ ყველა მთავრობა არის ერთპარტიული და ერთპიროვნული. ხალხს ესმის, რომ კოალიცია არის სწორი მართვის ფორმა, რადგან ერთმანეთს აბალანსებს და ხალხის გასაჭირზე ფიქრობს და არა საკუთარ გამოგონილ ხუშტურებზე.

ეს არის ის თემები, რომლებიც ხალხს აწუხებს და რომლებსაც ხალხი აუცილებლად შეცვლის ამ არჩევნებზე", — განაცხადა უგულავამ.