პრემიერმინისტრისა და ქართული ოცნების საარჩევნო სიის პირველი ნომრის, გიორგი გახარიას განცხადებით, ახალციხეში გიორგი ბრწყინვალის ძეგლი დაიდგმება და ბექა ჯაყელის ქუჩა გაიხსნება. ახალციხეში კანდიდატის წარდგენისას მან განაცხადა, რომ ეს არის ვალდებულება, რომელიც წინაპრების წინაშე უნდა შევასრულოთ.

"რამდენიმე ხნის წინ ჩვენ ახალციხელებთან ერთად ვმსჯელობდით და ახალციხეში უახლოეს დროში აუცილებლად იქნება ბექა ჯაყელის ქუჩაც და გიორგი ბრწყინვალის ძეგლიც. ეს თითოეული ჩვენგანის ის ვალდებულებაა, რომელიც ჩვენი დიდი წინაპრების წინაშე უნდა შევასრულოთ", — განაცხადა მან.

საქართველოს მეფე გიორგი V ბრწყინვალე დედით ჯაყელი იყო. სწორედ მან უბოძა ჯაყელებს სამცხის ათაბაგობა. ბექა ჯაყელი კი სამცხის მმართველი და მანდატურთუხუცესი იყო.