"ვახუშტ ტელ გინდა?! თუ ამდენს ვერ ქაჩავ. მომწერე პასუხი და არ მომწერის ;;)))" — ამ ფორმით პასუხობს მთაწმინდის ოლქში ქართული ოცნების მაჟორიტარობის კანდიდატი და დეპუტატი ბექა ოდიშარია იურისტ ვახუშტი მენაბდეს კრიტიკის გამო. კომენტარი ოდიშარიამ მენაბდის პოსტზე დატოვა.

ფოტო: ფოტო ფეისბუქის ეკრანიდან

მენაბდემ ფეისბუქგვერდზე გამოაქვეყნა ფოტოები, რომელშიც ჩანს ტროტუარზე არასწორად პარკირებული მანქანა პარლამენტის საშვით. პოსტს კრიტიკა მოჰყვა და ოდიშარიამ დააკომენტარა, რომ მანქანა მისია.

"ბოდიში, ვინც ასე გაგაბრაზათ ადამინმა ვინც ჩემს ა/მ მართავს. გამოვსწორდებით", — დაწერა მან.

ოდიშარიას ამ კომენტარსაც კრიტიკა მოჰყვა იმის გამო, რომ არასწორი პარკირება მან მძღოლს გადააბრალა. დეპუტატს მათთვის არ უპასუხია, მომდევნო კომენტარში პირდაპირ მენაბდეს მიმართა, რომ პირადად დაურეკოს, თუ "გაქაჩავს", რამაც, ასევე, კრიტიკა გამოიწვია. ოდიშარიამ არც ამას უპასუხა და ცალკე დააკომენტარა: "არადა, გირეკავ".

ფოტო: Facebook/On.ge

On.ge-მ სცადა ოდიშარიასთან დაკავშირება და მისგან განმარტებების მიღება, თუმცა მას ტელეფონი გათიშული აქვს.

გაიგეთ მეტი: