ევროპული საქართველოს ლიდერებმა, დავით ბაქრაძემ და გიგი უგულავამ, ბათუმის მოსახლეობას პარტიის მაჟორიტარი დეპუტატობის კანდიდატი, არმაზ ახვლედიანი წარუდგინეს.

უგულავას თქმით, დღეს არსებობს ერთადერთი ალტერნატივა — წარსულში დაბრუნება და აწმყოზე ოცნება, ან მომავლისაკენ ხედვა და გარდამტეხი ცვლილებები.

"როდესაც ვსაუბრობდით პროპორციულ არჩევნებზე, მედლის მეორე მხარეს კოალიციური მთავრობა ეწერა. დღეს გვეუბნებიან, რომ ან უნდა შევეჩვიოთ ამ ჭაობს, რასაც ივანიშვილი გვთავაზობს, ან წარსულზე ვიოცნებოთ და თეთრი ცხენით წარსული შევთავაზოთ, ან ავირჩიოთ მთავარი ალტერნატივა, რომ მოხდეს გარდამტეხი ცვლილებები და არჩევანი არის კოალიცია და ევროპული საქართველო.

უნდა გვახსოვდეს, რომ თუ ჩვენ შევძლებთ ეკონომიკის შემობრუნებას, ჩვენ შევძლებთ ევროპული საქართველოს შექმნას. მიხარია, რომ ჩვენ გუნდს შემოუერთდა ისეთი ღირსეული ადამიანი, როგორიც არმაზ ახვლედიანია, რომელიც იქნება ევროპული საქართველოს მაჟორიტარობის კანდიდატი ბათუმში", — განაცხადა გიგი უგულავამ.