დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის მოადგილე, პაატა იმნაძე აცხადებს, რომ საქართველოში ტესტირება კეთდება იქ, სადაც საჭიროა. მისივე თქმით, საქართველოში მილიონ მოსახლეზე ტესტირების მაჩვენებელი ევროპის ზოგიერთ ქვეყანაზე მაღალია. ამის შესახებ იმნაძემ გადაცემა პოლიტმეტრში ისაუბრა.

"იყო პერიოდი და შეიძლება, ეს ჩვენი შეცდომა იყო, შემიძლია პირდაპირ ვთქვა, რომ კარვები რომ გაიშალა და კარვებში ტესტირება [დაიწყო], რამაც გამოიწვია ის, რომ... ტესტირებას აქვს თავისი წესები, ნორმები, რომ ჩვენს სიტუაციაში დღეში არ უნდა კეთდებოდეს 7-8 ათას ტესტზე მეტი. ეს ყველაფერი დათვლილია. იმ დღეს აჭარაში 14 ათასი ტესტი რომ გაკეთდა, გასაგებია, რომ ეს გამოიწვევდა შეფერხებებს პასუხის გაცემაში", — განაცხადა პაატა იმნაძემ.

როგორც პაატა იმნაძე ამბობს, საქართველოში კორონავირუსით გარდაცვალების მაჩვენებელი ევროპაში ყველაზე დაბალია და ეცდებიან, ის კიდევ უფრო შეამცირონ.

6 ოქტომბერს საქართველოში კორონავირუსის 549 ახალი შემთხვევა დადასტურდა. 268 —გამოჯანმრთელდა. გარდაიცვალა 4 ადამიანი.

სულ კორონავირუსის 9 245 შემთხვევაა დადასტურებული. აქედან, 4 887 ადამიანი უკვე გამოჯანმრთელდა. გარდაიცვალა — 58.

ამ დროისთვის კარანტინის რეჟიმში 5 392 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 100 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: