თბილისის მერის, კახა კალაძის განცხადებით, ქართული ოცნების ლიდერის, ბიძინა ივანიშვილის მიერ იპოდრომის ტერიტორიის გადაცემა ამომრჩევლის მოსყიდვა არ არის. მეტიც, მისი თქმით, მერია მზად არის, საჩუქრად მიიღოს ის ტერიტორიებიც, რომელთა ნაწილსაც ნაციონალური მოძრაობის წევრები დიღმის ტყე-პარკში ფლობენ.

"არანაირი შეზღუდვა არ არის ამაში, არანაირი კანონდარღვევა არ არის. მზად ვართ, გადმოგვცენ ეს ტერიტორიები და მადლობლები ვიქნებით, ქალაქი მათ მადლობას გადაუხდის. იმისთვისაც არ შევაწუხებთ, რომ იქ შემდეგ პროექტის განხორციელებისთვის მათ ფული დახარჯონ", — განაცხადა კალაძემ.

5 ოქტომბერს, თბილისის მერიამ გაავრცელა ინფორმაცია, რომ ყოფილი პრემიერმინისტრი და ქართული ოცნების ლიდერი, ბიძინა ივანიშვილი ქალაქს იპოდრომს გადასცემს, სადაც ფონდი ქართუს დახმარებით გაშენდება თბილისის ცენტრალური პარკი, რომელიც რამდენიმე ათეული მილიონი დაჯდება.

გაიგეთ მეტი: