მდინარე იორდანესთან განთავსებული მართლმადიდებლური ტაძრების მიმდებარე ტერიტორიები ნაღმებისგან გაიწმინდება და მომლოცველებს ეკლესიებში შესვლის საშუალება მიეცემათ.

აღნიშნული ტაძრები ბოლო 50 წელიწადია მრევლისთვის ხელმიუწვდომელია, ტერიტორია მავთულ-ხლართებით არის შემოღობილი და იქ შესვლა საშიშია. ამ მიწებზე 5 ათასამდე სახმელეთო ნაღმია მოთავსებული, რომელიც ისრაელისა და იორდანიის არმიებმა 1967 წელს, 6 დღიანი ომის დასრულების შემდეგ ჩამარხეს.

მდინარე იორდანეს ყოველწლიურად ათასობით მორწმუნე სტუმრობს. სახარების მიხედვით სწორედ ამ მდინარეში მოინათლა იესო ქრისტე.

გაწმენდითი სამუშაოები 2018 წლისთვის დასრულდება.