დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსით გარდაცვლილი ორივე პაციენტი აჭარიდანაა. ამის შესახებ ინფორმაციას აჭარის ავტონომიური რესპუბლიკის ჯანდაცვის სამინისტროში ადასტურებენ.

მათი თქმით, 80 წლის ქალი, სასწრაფო სამედიცნო დახმარების ბრიგადამ პაციენტი შეიყვანა ბათუმის რესპუბლიკურ საავადმყოფოში 23 სექტემბერს და მისი დიაგნოზი კორონავირუსი, პნევმონია, სუნთქვის მწვავე უკმარისობა, არტერიული ჰიპერტენზია იყო.

"პაციენტის მდგომარეობა კლინიკაში შეყვანისთანავე შეფასდა რთულად. პაციენტს ანამნეზში აღენიშნებოდა: ინსულტი, მყარი ნარჩენი მოვლენებით", — აცხადებენ სამინისტროში.

მეორე პაციენტი კი 65 წლის ქალი იყო, რომელიც სასწრაფო სამედიცინო დახმარების ბრიგადამ ბათუმის რესპუბლიკურ საავადმყოფოში შეიყვანა. დიაგნოზი იყო COVID–19, პნევმონია, ინტრაცერებრული სისხლჩაქცევა, მრავლობითი ლოკალიზაციის, ფილტვის არტერიის თრომბოელმოლია, სუნთქვის მწვავე უკმარისობა, გულის უკმარისობა, არტერიული ფჰიპერტენზია, შოკი, კომა.

"პაციენტის მდგომარეობა კლინიკაში შეყვანისთანავე შეფასდა რთულად. კლინიკაში გატარდა ყველა შესაბამისი ღონისძიება, თუმცა თანმდევი დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა", — ამბობენ სამინისტროში.

საქართველოში კორონავირუსის 578 ახალი შემთხვევა გამოვლინდა, 375 ადამიანი გამოჯანმრთელდა. კიდევ ორი ადამიანი გარდაიცვალა. ამის შესახებ ინფორმაცია StopCov-ზე განახლდა.

სულ ქვეყანაში კორონავირუსის 8 696 შემთხვევაა დადასტურებული. აქედან 4 619 ადამიანი უკვე გამოჯანმრთელდა, 52 კი გარდაიცვალა.

ამ დროისთვის კარანტინის რეჟიმში 5 392 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 100 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: