ყვარლის მუნიციპალიტეტში ვენახებიდან ყურძნის ქურდობის მცდელობის ბრალდებით 4 პირი დააკავეს. დაკავებულები არიან 27 წლის, 24 წლის, 34 წლის და 64 წლის პირები.

უწყების ინფორმაციით, სამართალდამცავებმა ბრალდებულები იმ დროს დააკავეს, როცა მათ სხვის ვენახებში შეაღწიეს და საფერავის ჯიშის ყურძნის მოპარვას ცდილობდნენ. პოლიციამ, დაახლოებით, ნახევარი ტონა საფერავის ჯიშის ყურძენი ნივთმტკიცებად ამოიღო.

როგორც შსს-ში აცხადებენ, დაკავებულები ჩადენილ დანაშაულს აღიარებენ. გამოძიება ქურდობის მცდელობის მუხლით მიმდინარეობს. დანაშაული 1-დან 7 წლამდე ვადით თავისუფლების აღკვეთას ითვალისწინებს.