ყარაბაღის კონფლიქტში ჩართული აზერბაიჯანი და სომხეთი მოწინაღმდეგე მხარის დანაკარგების შესახებ ინფორმაციას ავრცელებენ. მათ განცხადებებში საუბარია ტექნიკურ ნაწილზე და არა სამხედრო ან სამოქალაქო პირების დაღუპვაზე.

აზერბაიჯანის თავდაცვის სამინისტროს ინფორმაციით, 27 სექტემბრის ანუ კონფლიქტის კერაში საომარი მოქმედებების განახლების შემდეგ, მათ მოწინააღდეგე მხრიდან 2 300 ადამიანი დაჭრეს, გაანადგურეს ან დააზიანეს 130-მდე ტანკი და ბრონიტექნიკა, 200-ზე მეტი საარტილერიო დანადგარი, რეაქტიული სისტემები, 6 სამმართველო პუნქტი, იარაღის 5 სათავსო, 50 ანტისატანკო და 55 საავტომობილო ტექნიკა. მოკლული სამხედროების ან სამოქალაქო პირების შესახებ აზერბაიჯანული უწყება არ საუბრობს.

რაც შეეხება სომხეთის თავდაცვის სამინისტროს, BBC-ის ინფორმაციით, მათ განაცხადეს, რომ მოწინააღმდეგემ 790 სამხედრო მოსამსახურე დაკარგა და 1 900 დაჭრილია. მათივე თქმით, გაანადგურეს 137 ტაქნკი, 72 უპილოტო საფრენი აპარატი, შვიდი ვერტმფრენი და ერთი თვიმფრინავი.

ორივე ქვეყნის სამინისტრო ისევ ავრცელებს მოწინააღდეგეთა ბაზებისა და ცოცხალი ძალის განადგურების კადრებს, რომლებშიც დამწვარი და დაჭრილი ცხედრები ჩანს.

რა ხდება ყარაბაღში

მთიან ყარაბაღში სამხედრო დაპირისპირება 27 სექტემბერს განახლდა. სომხეთი და აზერბაიჯანი პროვოცირებაში ისევ ერთმანეთს ადანაშაულებენ, თვითაღიარებული ყარაბაღი კი მომხდარზე პასუხისმგებლობას აზერბაიჯანის პრეზიდენტს ილჰამ ალიევს აკისრებს.

ბოლო მონაცემებით ბრძოლები რამდენიმე სხვადასხვა ლოკაციაზე მიმდინარეობს, ყველაზე აქტიური მათ შორის ყარაბაღის სამხრეთ და ჩრდილოეთ ნაწილებია. გარდაცვლილთა საერთო რიცხვი, როგორც სამხედროებს, ასევე, სამოქალაქო პირებს შორის დაახლოებით 100 ადამიანია. აღსანიშნია, რომ აზერბაიჯანი გარდაცვლილ სამხედროებზე ინფორმაციას არ ავრცელებს, მაშინ, როცა სომხური მხარე აცხადებს, რომ მოწინააღმდეგეს ასეულობით ჯარისკაცი მოუკლა. თვითაღარებული არცახის რესპუბლიკის (ყარაბაღი) პრეზიდენტის განცხადებით, განადგურებულია ცალკეული ქალაქებისა და სოფლების ინფრასტრუქტურა.

საერთაშორისო თანამეგობრობა მხარეებს ცეცხლის შეწყვეტისა და მოლაპარაკებების განახლებისკენ უშედეგოდ მოუწოდებს. სხვა ქვეყნებისგან განსხვავებული პოზიცია აქვს თურქეთს, რომელიც მომხდარში მხოლოდ სომხეთს ადანაშაულებს და აზერბაიჯანს მხარდაჭერას უცხადებს. სომეთში და არცახში ამტკიცებენ, რომ ბრძოლებში ჩართულია თურქული არმიაც, რასაც აზერბაიჯანსა და თურქეთში უარყოფებნ.

გაიგეთ მეტი: