ტელეგრამ არხმა, NEXTA-მ ბელარუსის შინაგან საქმეთა სამინიტროს თანამშრომლების სია გამოაქვეყნა.

არხის განცხადებით, მათ ერთი კვირით ადრე გააფრთხილეს ყველა, რა მოხდებოდა, თუ სადამსჯელო მოქმედებები არ შეწყდებოდა. ასე რომ დაპირება შეასრულეს და არხის განცხადებაზე მიბმულია 1003 თანამშრომლის სია პირადი მონაცემებით.

"თქვენ წინაშეა შსს-ს თანამშრომლების პირველი ათასეული. ეს ინფორმაცია ჩვენ კიბერ პარტიზანების დახმარებით გვაქვს. დაკავებების გაგრძელების შემთხვევაში ჩვენც გავაგრძელებთ თანამშრომლების მონაცემების გამოქვეყნებას", — ნათქვამია არხის განცხადებაში.

ტელეგრამ არხი თავიანთ გამომწერებს დახმარებას სთხოვს და მოუწოდებს, თუ ვინმეს რაიმე ტიპის ინფორმაცია მოეპოვება სიაში მოხვედრილი თანამშრომლების დანაშაულებრივ ქმედებაზე, ან მათ პირად ცხოვრებაზე, მიაწოდონ NEXTA-ს.

ასევე, განცხადებაში ნათქვამია ისიც, რომ თუ ვინმე აღმოაჩენს, რომ სიაში მოხვედრილი პირი დანაშაულებრივ ქმედებაში შემჩნეული არ არის, ან აღარ თანამშრომლობს შსს-სთან, ამის შესახებაც შეატყობინონ.