ამერიკულ-ქართული განათლების ცენტრის ორგანიზებით 2020 წლის 10 ოქტომბერს, 12:00-დან 18:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 22 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები. განათლების ვირტუალურ გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: https://leafonlinefair.com/

მათ, ვისაც სურს სწავლა საზღვარგარეთ გააგრძელოს, ამერიკულ-ქართული განათლების ცენტრი სთავაზობს GBSB Global Business School-ს ესპანეთში.

GBSB-ის გლობალური ბიზნეს სკოლა გთავაზობთ საბაკალავრო და სამაგისტრო პროგრამებს როგორც კამპუსზე (მადრიდი, ბარსელონა), ასევე ონლაინ სწავლების მეთოდით. უნივერსიტეტი აკრედიტირებულია ბრიტანული ASIC-ის მიერ, European Council of Business Education (ECBE)-ის მიერ და არის აკრედიტაციის კანდიდატი Accreditation Council for Business Schools and Programs in the USA (ACBSP)-ისა და Association to Advance Collegiate Schools of Business (AACSB)-სგან.

გარდა ამისა, GBSB, ასევე, არის ოფიციალური ACCA (the Association of Chartered Certified Accountants) პარტნიორი, ერთადერთი კომპიუტერზე დაფუძნებული საგამოცდო ცენტრი. Global Business School-ს აქვს სტრატეგიული პარტნიორობა რამდენიმე უნივერსიტეტთან, რომლებიც ასევე ასწავლიან ბიზნესს ეროვნულ თუ საერთაშორისო დონეზე. ყველაზე მნიშვნელოვანი პარტნიორობა აქვს University of VIC – Central University of Catalonia-სა და Swiss UMEF University-სთან. აღნიშნული პარტნიორობების ფარგლებში სტუდენტებს საშუალება აქვთ, მოიპოვონ ორმაგი დიპლომი და მონაწილეობა მიიღონ გაცვლით პროგრამებში.

სწავლის საფასური საბაკალავრო პროგრამებზე 8 750 ევროა, ხოლო სამაგისტრო პროგრამებზე 6 750 ევროდან 13 500 ევრომდე მერყეობს. რაც შეეხება MBA პროგრამას, სწავლის საფასური ამ შემთხვევაში 15 000 ევროს შეადგენს.

თქვენ გაქვთ შესაძლებლობა პირადად შეხვდეთ GBSB-ის წარმომადგენელს განათლების
საერთაშორისო ვირტუალურ გამოფენაზე 10 ოქტომბერს, 12 საათიდან 18 საათამდე.
შეუერთდით გამოფენას: https://leafonlinefair.com/